| ( هذه هي قصتي( اريد حل لها )
السلام عليكم ورحمة الله وبركاتة
ااااااه ااااااه في يوم من الايام كنت ابحث عن وظيفه وبعد معاناه وجدة الوظيفه المهم داومت فيها وجلست فيها شهر كأنه يوم مستمتع بعملي ( مستانس ) المهم طلبو مني اني اروح افحص فحص طبي فحصت فطلع فيني مرض الاتهاب الكبد الله يبعد الشر عن كل مسلم المهم قلت بروح افحص فحص ثاني في مستشفى حكومي المهم رحت للمستشفى الحرس الوطني ( مركز الاعمال ) دفعت مبلغ وقدره 0000 طلع فيني هذا المرض بس اشرحولي انه غير نشيط وانه من النوع ( بي ) غير معدي ألا عن طريق الدم او المعاشره الجنسية وانشاء الله راح تكون على متابعه مع الدكتور مره او مرتين في السنة المهم اخذت توصيه من الدكتور انه لا يعيق عن العمل ولا ينتقل المرض الى زملائه ولا الى اهل بيته وانه لايحتاج لعلاج بل يحتاج لمتابعة مره او مرتين بالسنه وان الفايرس غير نشيط وانه ماخذ مضاد منه المهم رحت للعمل ( شركة متعاقده مع احد البنوك ) ودخلت بتقرير معي وعطيته مدير الموارد البشرية وقلتله السالفه المهم تدرون وش عذره يقول فيه واحد مثل حالتك اشتغل في البنك واعدا مئة شخص ( استغفر الله مدري وش مسويلهم ) مادريت الأ مدير الموارد البشرية متصل في شخص يقوله خل ولد عم بندر يجي فيه وظيفة له ( واسطه ) بس على حساب من على حسابي مالقى عذر يبعدني عن وظيفتي غير هذا العذر( الله الايوفقه دنيا واخره ) المهم قلت ياولد رح للبنك نفسه هو الي يبي يحل مشكلتي المهم رحت لمدير التوظيف في البنك كلمته وشرحتله الحاله ... الخ تدرون وش رده لي يقول يافلان ترى فيه وظائف جايه وقدم عليها سئلته سؤال ( هل فيه نظام في البنك ينص على عدم قبول حالتي ) بكل بجاحة يقول ( لا ) المهم قمت اهدده بمكتب العمل والعمال قلت الحكومة بتاخذ حقي علمن اني اطالبهم براتب شهر كامل يقولون مالك حق طالبتهم بشهادة دورة شهر رفضو المهم رحت لمكتب العمل والعمال ( وياليتني مارحت ) مدير القضايا يرسلني لمدير التفتيش ( مدراء ولكن لا يعرفون النظام ) المهم قلت مالي غير المدير العام بقابلة طبعا المدير العام شكله ( ملك) حتى الملك له يوم مخصص لستقبال الشعب المهم رفض السكرتير اني ادخل عنده المهم من إداره بإداره سئلة شخص المهم دلني طلع مدير القضايا ماهو عارف ان مشكلتي عنده ارسلني على مكتب بجمبه عطوني ورقة تعهد ( التزم انا المدعو فلان بأني اذا لم احضر في اي جلسه بأنني قد خسرت القضية وانني اتعهد بأن التزم بدفع المبالغ المالية .... الخ ) ولا طالبين رقم هوية المدعي عليه ( ناقص بس يقول جب صوره من بطاقة الاحوال ) والله حسيبهم واطلب من الله ثم منكم الدعاء لي ولجميع المسلمين بالشفاء والله يحفظ جميع المسلمين من كل شر واريد منكم ارشادي لأخذ حقي . | 
16-08-2006, 10:02 AM
المواضيع المتشابهه لموضوع : ( هذه هي قصتي( اريد حل لها ) 
العرض العادي
