ياسكارى المنتدى

[الرافضي]

أنا بحكي من أول يوم جيت لدنيتن قذره
وتكرم عن قذارتها بيوت الله ومعموره

أنا مولود في ليلة شتى مع بردها مطره
في خيمه وسط صحرا مابها سستر ودكتوره

أنا ياحضرة الساده غريب وضاع من صغره
لعن جدي زماني بين مدهوره ومهجوره

حملت من الشقى مالا يطاق وجايكم بذكره
ولاني قادر أتحمل وأموت بنفس مقهوره

وأنا أدري يذبح الرجال كثر الصبر في قهره
عن قهر الرجال المصطفى حذر ومذكوره

وهم قالوا مفاتيح الفرج للحي في صبره
وأنا أشوف الصبر مفتاح ضاع وزاد طابوره

تعبت ألملم أيامي بيدين الهم والحسره
تعبت ألمع البرواز وأمسح غبرة الصوره

تعبت أبوس كف الجوع وخشم الفقر طال عمره
تعبت أكذب على الحاجه وأقول الحال ميسوره

تعبت أحمس من القهوه وأحط السمن والتمره
تعبت ودلتي وحده وكل شوي منثوره

أحسب العز بالدله وبيت النذل بها عشره
دلاله أكثر الملعون ومليانه ومسطوره

أنا بحكم البداوه أنزرع في داخلي بذره
عن علوم المراجل ألف بذره فيني مبذوره

تربينا على الدين ونطيع الله مع شكره
تعلمنا نصلي ونحفظ القرآن وكل سوره

تعلمنا نحب الضيف وفينا الكرم فطره
تعلمنا نقول الصدق لا لفه ولا دوره

تعلمنا نحلب النوق ونعرف وشهي البكره
تعلمنا الضما وحنا بيدينا البير محفوره

تعلمنا وكثير اللي تعلمناه وش كثره
أخذنا درس بالدنيا بلا دفتر وسبوره

وأنتم يا سكارى المنتدى عفوا أيها الزمره
منو فيكم عرف قهر الزمان وظلمه وجوره

منو فيكم وطاه الجوع وذله وصفقه فقره
منو فيكم عرف يحتاج للقمه ونشف زوره

منو فيكم من الظيقه حفر بأصابعه قبره
منو فيكم رقد ليله وسط أجساد مقبوره

منو فيكم مشى حافي برمظه كنها الجمره
منو فيكم سهر ليل الظلام بدون أباجوره

منو فيكم ماطاح ألفين مره وسلمت الجره
وأنا من قبل أطيح وجرتي بيديني مكسوره

ولا مره حظي ضحك بوجهي وأشكره مره
وغيري مبتسم حظه وكل أيامه مسروره

كتبت الشعر من صغري وبيوتي ما بها كسره
وأنتم تبرزون اللي كتب بيتين مكسوره

أنا يا حظرت الساده فقير ما اغتنى بشعره
مدام المومس اللي تشري الاشعار مشهوره

واذا كانت رجولتكم بكاس الثلج والخمره
أنا بشرب بدون الكاس وثلجه ألف قاروره

أنا بمشي مدام الليل ودع وابتدا فجره
بروح أرد هالبدله على هالمعلاق مزروره

[أبو المسيطر]

يا بو الشاب السرقة حرام مرة الجاية اكتب عن القصيدة انها منقولة ولا تتركها كذا عشان الناس يتوهمون انها من تأليفك صدق أن الرافضة ما لهم من خلاق