لاخيرْ بْهذَا الوطنْ لو( بعثي) يِِحْكُمْ بيه..!
(الى شهداء الشعب العراقي)

الدنيا سفرة عمر والصَحْ بيها يِشـِّحْ
ورجال عازَةْ وَكتْ عندْ الشِدايِدْ تِصِحْ
عالينْ بيارغ ضوَه ويمشي بخطاهم صبحْ
بردان وغطى الوطن هذا الشهيد ، بْجَرحْ
***
ماماتْ بعدَه عدلْ نَشْمي الهوَى اشْلونَه
بغداد شِمّي العطرْ دجلة الورد طينَه
شبْكيه ... تْرابِچْ دفو والراية دم لونَه
ماطاح حلم الوفه حلمَه تَرسْ عينَه
***
بهدايْ شيلوا الجسدْ جرحَه تِلچمونَه
ماماتْ بعدَه عدلْ هذا التِـشيْعونَه
عريسْ ودمَه نِدِي ورَبْعَه اليِزَفونَه
صورةْ وطنْ بالحلمْ جنَة نبي ظنونَه
***
الحلمْ هاگد بَهي واكثرْ طِري من المايْ
مملكة حلمْ المَلكْ بَسْ عِدْنَا حِلوْ الرايْ
للفقرَه نْريدْ الخبزْ وللطفلْ لعبْ هْوايْ
ماماتْ بعدَه عدلْ هذا اليِنوشْ سْمايْ
***
دِنْياتَكْ مْسودِنَه و ياهو عَقِلْ ظَلْ بِيه
لاخيرْ بْهذَا الشعرْ لو صارْ صَفْگه بيه
ولاخيرْ بْكِلْمَنْ سِكَتْ عنْ الحقيقَة البيه
ولاخيرْ بْهذَا الوطنْ لو( بعثي ) يِحكمْ بيه

وليد الناري هل انت غبي..!

قصيده تنشرها بالقسم الطرائف والابتسمات..ياخي هنالك قسم الشعر انشر به القصيده

ومو كل شوي انقل موضوعك الى القسم المناسب

ارجوك قبل ان تنشر موضوعك اريدك انت تفكر اين اضع هذا الموضوع

وسوف انقل هذه القصيده الى قسم الشعر

وشكرا

شكرا لك على هذه القصيده

دمت بخير

سم طال عمرك
مشكورررررررر لك كل الشكر ان اسف جدا" علي هذا الخطا

بلاش الخطا فى بعضنا يا رجالة لان كل دة من الشيطان