[رمضان حسن أحمد]

س سؤال:هل تعتقدان الأوطان راح تتحرر م الطغيان؟
ج جواب:لاأعتقدان النسوان راح تتوحم عالبتنجان.
س سؤال:تقدرتعرف ايه الفرق بين بوش الابن وبوش الأب؟
ج جواب:لامش عارف ايه الفرق بين الكلب وابن الكلب.
س سؤال:تعرف ايه عن الأمميه؟وايه تأثيرها علي الحريه؟
ج جواب:ياروحي عليها بالتقليه. واه لوجنبها فرخه مشويه.
س سؤال:إيه دي هيا؟ ج جواب:الملوخيه.....
س سؤال:فكرتني بغلاء الاسعار اللي اشتعلت في الخضار..قال كيلو البصل بخمسه جنيه.بعد ماكان الخمسه بجنيه؟
ج جواب:لأمش كده ياسعادة البيه.لسه الأتوبيس يالأبونيه..
س سؤال:إيه رأيك في الإعدام اللي اتنفذ في صدام؟
ج جواب:أيوه الواحد لازم ينام.لما يكون عنده زكام.
س سؤال:عندي سؤال واحدوأخير ,بس جاوبني عليه بضمير,,امتي حنعرف لينا مصير؟ويكون لنا في الكون تأثير؟
ج جواب:إنتا بتحلم حلم كبير .حلم جميل طبعا وخطير.بس ارجوك خبيه في البير...وقول اللهم اجعله خير