[احمد تفاحه]

ماتت حبيبتى

ماتت حبيبتى
والحب مات
والاحلام وياها ضاعت
والامنيات
مفضلش منها غير ملامح
وماضى فات
مفضلش منها غير صورتها
وذكريات
محتار ابكى فراقها
ولا ابكى الذكريات
بعدها يفضلى ايه
غير دمع عينى والآهات
قالوا الزمن بينسى
بس ازاى انسى الساعات
اللى كنا فيها سوا
بنقول اجمل حاجات
عن شوقنا وحبنا
وعن حلمنا اللى مات
وبرغم غيابها عنى باحسها
جنبى فى كل الحالات
لما ابكى عنيها
لما ابكيها
وابكى العمر اللى فات