حوار بين الحضري ومراته ... بعد ماتش الاهلي والاسماعيلي 3/0

**mrjoo** · #1 (**permalink**) 06-02-2007, 04:13 PM

حدث هذا الحوار بين عصام الحضري وزوجته بعد لقاء التلاته اللي الحضري شال فيه تلاتة

الحضري داخل بيته زعلان اوي ووشه على سهم الله ويدخل الحضري من دون القاء حتى السلام على مراته ولا عياله

الزوجة : مالك يا حبيبي فيه ايه هو انته يعنى اول ولا اخر جون شال تلاتة ما في كتير اوي كده
الحضري : اسكتى الله يخليكي انا مش فايق لهزارك ع المسا
الزوجة : والله انا بتكلم جد ما في حراس مرمي كتير على مستوى العالم بيشيلو بالتلاته والاربعة
الحضرى : ايوه ماشي طيب ... المشكلة انه انا كنت ابتديت انسى الفرقة دي اللي اسمها الاسماعيلي هما اللي بيقدروا عليا
ربنا ينتقم منك يا شادي انته والنحاس وصديق فتحوها شوارع ورا لا وايه الاسماعلاوية مصدقوا طاحو فينا الصبر يارب

الزوجة : متزعلش نفسك يا حبيبي كلنا لها
الحضري : العيال نامو
الزوجة : اه يا حبايبي مقدروش يكلمو المنظر وهما شايفينك بتتبهدل في الملعب
الحضري : في ايه يا ولية ما تتلمي بدل ما تروحي على بيت اهلك

الزوجة : خلاص ... خلاص انته حتطلع التلاته عليا انا مقدرتش على فضل وعبد السعيد حتقدر عليا انا الغلبانه
الحضري : بقلك ايه اكتمي خالص
الزوجة : حاضر

تروح الزوجة وتغيب شوية وترجع تاني للحضري وهو قاعد بيتفرج على احمد شوبير فدريم وهو بيعيد في الاهداف التلاته للدراويش وتلاقي الحضري بيكلم نفسه

الحضري : مش ممكن انا حصل فيا كده انا حصل فيا كده انا اللي جبت بطولة افريقيا انا اللي صديت ضربة جزاء من دروجبا يحصل فيا كده
هو ايه الاسماعيلي ده مكتوب عليا في البخت

الزوجة : يلا يا حبيبي قوم العشا جاهز
الحضرى : لا اتعشي انتي انا شبعان
الزوجة : عشان خاطري قوم كل معايا
الحضري : لا انا قلتلك انا شبعان ما انتي شفتي بنفسك محمد فضل اكلني نجيلة كتير النهاردة مش قادر

الزوجة تنفجر من الضحك على اللي قاله الحضري

الحضري : بتضحكي على ايه يا ولية .... هي بقت كده يعنى ..... طيب يلا لمي هدومك وخدي عيالك وعلى بيت ابوكي
الزوجة مش قادر تمسك نفسها من الضحك

الحضري : كده يعنى طيب روحي وانتي طالق التلاته

**x_man** · #2 (**permalink**) 09-02-2007, 07:33 AM

هههههههههههههههههههه ههههههه حلوة يا قمر

**محمد أسامه** · #3 (**permalink**) 13-02-2007, 11:16 PM

معلهش تعيش وتاخد غيرها يييييييييييا حضرىىىىىى محمد أسامه

**ايمن عبد الرحمن** · #4 (**permalink**) 18-02-2007, 04:17 AM

ياريت تعيد الموضوع ده بس تحكي لنا على عبد المنصف او عبد الواحد

**maged81** · #5 (**permalink**) 18-02-2007, 08:06 PM

عبد المنصف و عبد الواحد مش بيشيلوا تلاتة
دول بيشيلوا ستة و انت طالع كدة
الناس مقامات

**سمراء** · #6 (**permalink**) 20-02-2007, 03:30 PM

أرقص يا حضرى

أدوات الموضوع
عرض نسخة للطباعة أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

جديد على الموقع؟	تريد مساعدة؟
سجل واستمتع بجميع خدمات الموقع مشاهدة طاقم الإدارة قوانين الشبكة الاتصال بنا	اجابة لكل سؤال عن الموقع واستخدامه هل نسيت كلمتك السرية؟ اجعل كافة الأقسام مقروءة