كيكة البلو بري أو التوت الأزرق

[حواء]

أخواتي قمت بعمل البلو بري كيك امس ونصحتني احدى الأخوات اني احط الطريقة والصورة هنا بس اقولكم شي ولاتحرجوني.. انا ماعمري طبخت بالمقادير كل اللي اسويه بتقديري الشخصي وحسب الطعم..

البلو بري كيك:
علبة كيك فانيلا جاهزة
علبة بلو بري صوص
شوية مربى توت
علبة كريم شانتيه سائلة معدة للإستخدام اللي تكون نفس علب الحليب الكبيرة

الطريقة:
أخبزي الكيك في صينية بايركس تكون كبيرة شوي..علشان مايطلع الكيك سميك يطلع رقيق يعني حوالي 2سم يكون ارتفاعه..
واخلطي البلو بري مع مربى التوت لانه البلوبري ماهو حلو بروحه اخلطي معه مربى علشان يصير حلو ويصير طعمه احسن..
بردي الكريم واخفقيه بالماكينة ..ولازم الكيكة تكون بردت..

جيبي الكيكة ووزعي عليها الكريم وافردية لكن مش بالتساوي يعني يكون بالاطراف اعلى من الوسط..وبعدين صبي عليه البلوبري صوص وبالشوكة اخلطي خيوط من الكريم مع الصوص وسويه كنه رخامي.. وتقدرون تاكلونه على طول او تحطونه بالثلاجة على كيفكم..

وهاكم الصورة وعسى تعجبكم طريقتي واللي هي اختراعي مادري حد سواها قبلي او لا..

[IMG][/

طبعا أشكر أختي الغالية