[يوكو زوما]

أحسن 33 حاجه فى الحياه
1- تحب.
2- تضحك لدرجه ان عنيك تدمع من كتر الضحك.
3- حمام دافىء بعد عمل يوم شاق.
4- تستقبل جوابا تنتظره من فتره.
5- تدخل السرير فى عز البرد و تنام فى الدفا على صوت المطر.
6-تجد الجاكيت اللى كان نفسك تجيبه بنص السعر
7-تشرب كاكاو ساخن وانت بردان.
8-تملأ البانيو وتحط فيه صابون وتنط.
9-حد يقولك قد ايه انت جميل وهايل.
10- تقعد تحكى وتتكلم مع صديق.
11- تصحى الصبح بدرى عشان تروح الشغل تبص فى الساعه تلاقى لسه ان لسه قدامك ساعه تنام فيها.
12-تحط ايدك فى جيب الجاكيت اللى بقالك سنه ملبستوش وتلاقى فيه 20 جنيه.
13- تسمع اول كلمه حب فى حياتك.
14-تجيب الكلب أو القطه اللى كان نفسك فيهم وتقضى وقتك كله وأنت بتلعب معاهم.
15-تحلم حلم جميل.
16-تتمرجح على المرجيحه اللى بتحبها.
17-تدخل فيلم رومانسى مع حبيبك.
18-تشوف الفرحه فى عيون صديق أو حبيب لما تجيبله الهديه اللى كان عايزها من زمان.
19-تكسب فى مسابقه. ( مين قدك )
20-تدخل المطبخ وتعمل الاكله اللى أنت بتحبها بنفسك وتستمتع بأكلها.
21-تمسك ايد حبيبك او حبيبتك .
22-تقعد وقت الغروب فى وسط الغيطان وتتفرج على الساقيه.
23-تلاقى حد يضحكك وانت دموعك على خدك.
24-تقعد على البحر وقت الشروق.
25-تلاقى حد يطبطب على ظهرك وانت متضايق .... و ياه بقى لو كانت حبيبتك او حبيبك
26-تشرب حاجه ساقعه قوى فى يو حر قوى.
27-تلاقى حد ينظر لك النظره الخاصه اللى كنت بتتمناها.
28-تلاقى حد يلمسك فى حنيه فى الوقت اللى انت محتاج فيه حنيه.
29-تشرب حاجه سخنه وانت واقف تحت المطر. ( طبعا هتشربها و هى مليانه مياة المطر) ههههههههه
30-تاخد راحه وتتمشى فى الجنينه وسط الخضره.
31-حد يعملك مفاجاه جميله.
32-تصحى من النوم كل يوم الصبح تبتسم وتشكر ربنا على يوم ثانى جميل هتعيشه.
33- تكتبلى رد على الموضوع ده عشان انا والله تعبت عشان احطه و الرد مش هيكلفك كتير من الوقت بس هيبقى بالنسبالى حاجه كبيره